Monday, December 30, 2013

പാതകള്‍

പാതകള്‍

മനുഷ്യന്റെ പാദങ്ങള്‍
പതിഞ്ഞ് പതിഞ്ഞ്
മണ്ണില്‍
എത്രയെത്ര പാതകളാണ്
സ്വയം ഉണ്ടാകുന്നത്..

എത്രതന്നെ തെറ്റിയാലും
ഏറെദൂരം
കറങ്ങിത്തിരിഞ്ഞു ചെന്നാലും
അവിടെയുമുണ്ടാകും
കാത്തിരിപ്പുതെറ്റാതെ
ഒരു വരി കാല്‍നടപ്പാത..

ഇനിയുമെത്ര പാതകളാണ്
ഒരു കാല്‍പ്പെരുമാറ്റത്തിനുപോലും
ഇടം കൊടുക്കാതെ
മണ്ണിനടിയില്‍
ഒളിച്ചുനടക്കുന്നത്...

1 comment:

  1. Manushyan ennum anganeyan. chandranil ethiyappozhum paranjath kaal kuthi ennan.

    ReplyDelete

GRAMAM...

thirike vilikkunnu gramam...